सम्पर्कविहीन भनिएका कर्मचारीहरू सुरक्षित भेटिए

रोल्पा —केही दिनदेखि सम्पर्कविहीन रहँदै आएका थबाङ गाउँपालिकाका सात जना कर्मचारी हिजो रातिदेखि सकुशल रूपमा सम्पर्कमा आएका छन्।

उनीहरू कामका लागि रुकुम पूर्व तर्फ गएका थिए। मोबाइल सञ्जाल नहुँदा कार्यालय र परिवारसँगको सम्पर्क टुटेको थियो, जसले सबैलाई चिन्तित बनाएको थियो।

प्रमुख जिल्ला अधिकारी बासुदेव दाहालका अनुसार हिजो राति प्रमुख प्रशासकीय अधिकृतसँग फोनमा कुराकानी भएको थियो। उहाँले सबै जना ठीक रहेको र गाउँतिर फर्किरहेको जानकारी दिनुभयो। “बिहान फेरि कुरा गर्दा पनि उस्तै भन्नुभयो ।

सम्पर्कविहीन भनिएका कर्मचारीहरूमा प्रमुख प्रशासकीय अधिकृत हेमराज घर्ती मगर, सहायक प्रशासन तह ५ का हरिश माझी, सह–लेखापाल यज्ञप्रसाद कँडेल, सब–इन्जिनियर चन्द्रप्रकाश ओली, कर्मचारी निशा आचार्य, खा.पा.स.टे शिवकुमार वली, र सवारी चालक प्रदीप केसी हुनुहुन्छ।

थबाङ गाउँपालिकाले बुधबार प्रेस विज्ञप्ति जारी गर्दै सम्पर्कविहीन भएको जानकारी दिएको थियो। अहिले सबै कर्मचारीहरू सकुशल रूपमा सम्पर्कमा आइसकेका छन् र थबाङ जाँदै गरेको खबर आएको हो ।