उत्तरगङ्गा गाउँपालिकाले लुम्बिनी प्रदेशसभा सदस्य सरिता पुनको निधनप्रति श्रद्धाञ्जलि अर्पण गर्दै आज २०८२ साल भदौ १६ गते गाउँपालिकाभित्र सार्वजनिक बिदा दिने निर्णय गरेको छ ।
आइतबार गाउँपालिकाले जारी गरेको सूचनामा भदौ १४ गते महाराजगञ्जस्थित शिक्षण अस्पतालमा उपचारका क्रममा प्रदेशसभा सदस्य पुनको निधन भएको उल्लेख छ । यस दुःखद् समाचारप्रति गहिरो शोक व्यक्त गर्दै पुनको स्मृतिमा गाउँपालिकाअन्तर्गतका सबै वडा कार्यालय, स्वास्थ्य संस्था, विद्यालय तथा सहकारी संस्था बन्द रहने जनाइएको छ ।
गाउँपालिकाका प्रमुख प्रशासकीय अधिकृत ध्रुव वि.क.ले जारी गरेको सूचनामा स्व. पुनप्रति श्रद्धाञ्जलि अर्पण गर्दै शोकसन्तप्त परिवारजनप्रति हार्दिक समवेदना व्यक्त गरिएको छ ।
प्रतिक्रिया